Hugmyndin að stofnun Ístækni vaknaði á haustmánuðum 2023. Ístækni ehf er stofnað af fyrirverandi starfsmönnum 3xTechnology ásamt öðru áhugasömu fólki. Hópurinn sem stendur að Ístækni vill standa vörð um þá þekkingu og reynslu sem er til staðar á Ísafirði við að búa til og framleiða tæki fyrir sjávar og matvælaiðnað. Fljótlega eftir að hugmynd um stofnun Ístækni kom upp var ákveðið að bjóða Vélsmiðjunni Þristi á Ísafirði að vera hluti af Ístækni. Vélsmiðjan Þristur hefur þjónað sjávariðnaðinum á Vestjörðum í 40 ár og hefur getið sér gott orð fyrir að vera frábært þjónustufyrirtæki. Um síðustu áramót varð Vélsmiðjan Þristur hluti af Ístækni ehf. Hjá Ístækni ehf starfa um 23 starfsmenn við framleiðslu og þjónustu og skiptist starfsemin í megin atriðum í renniverkstæði, tæknideild, rafbúnaðardeild, framleiðsludeild, þjónustudeild og söludeild. Ístækni á til frábærar lausnir sem snúa að sjálfvirkni í karakerfum, kælingu, uppþýðingu, dælingu og flutningi á vörum fyrir vinnslur, ásamt lausnum fyrir millidekk í skipum. Ístækni vill halda í þau gildi að skila sem bestum árangri fyrir viðskiptavininn, að gera vandaða framleiðsluvöru og veita frábæra þjónustu.